影片
更多
2005-10-11
0 浏览
0寻晚七点几行过,见唔驶等位,于是同同事入左呢度食晚饭.叫左个蟹子蟹肉蛋包饭,饺子鸡翼,炸软壳蟹天使面,同埋特色甜品.呢度环境唔错,坐得好舒服.侍应服务一般.先来蒜蓉饱,应该系叫套餐送0卦?!虽然只得两件,但系外表好得意,系正立方形似粒大骰咁,味道好香好牛油蒜蓉味,几好食!再来饺子鸡翼,0系鸡翼入面爙饺子0既肉馅,味道麻麻地.蟹子蟹肉蛋包饭就似荷叶饭,味道一般;炸软壳蟹天使面就闻落同食落都好大阵花生酱味,怪怪地咁.最后就系特色甜品,上到台至发觉真系好特色重好"的骰"添,因为佢0既大细只系比一个五蚊银大小小,但系放0系一只大餐碟上,系唔系好特色呢!呢个基本上系咖啡Moose,下面有一层好薄既蛋糕,上面有片朱古力,一粒杏仁,一粒提子同埋一粒唔记得系乜0野.都几好食.因为碟饭同碟面份量都几大,所以我地两个人都食得好饱.其他餐价钱都唔贵,又唔使等位,所以我觉得都算系咁.
张贴