黑木亭居酒屋 (清風街) (已結業)

放假同朋友去天后行吓食下嘢见到呢间好似几好，就入去试吓😚😚环境有啲迫，不过服务态度同气氛好好。讲翻食物先蟹肉薯仔沙律蟹肉好鲜甜，薯仔切既大小啱啱好而且煮得软绵绵，之后有啲鱼子增添口感，再配上沙律酱，非常滋味！好好既开胃菜。炸鸡呢个麻麻可以唔洗嗌，因为炸得啲肉比较柴，而且冇晒肉汁南瓜饼南瓜蓉好鲜甜，外皮炸得唔错，但冇乜特别带子青瓜卷带子好新鲜，系稍微煮熟既程度，软硬适中而且唔腥，青瓜卷就比较普通冇乜特别。至于串烧方面我地点左两串免治鸡肉串烧，分别系cream酱同生蛋酱。cream酱微酸带甜竟然同串烧好夹，好好味，反而生蛋酱比较失色，味道麻麻。鸡肉串有少量既软骨令到串有啲嚼劲。我地仲点左荔枝同芦笋，荔枝有啲层次感，先咸后甜，有啲惊喜。至于芦笋就普普通通，烧得ok。我都仲点左𠮶鳗鱼饭，炒得唔错，一上桌就好香，鳗鱼都唔错，不过份量有啲少同比较油，饭底会见到一层油。总结都系一间唔错既餐厅，缺点就系上菜时间比较耐。