忠誠盆菜館

营业中

休息中

今日全家去左大尾笃行山，行到咁上下差唔多到1点准备食晏，细佬次前食过一次忠诚盆菜系附近，话好好味，咁岩我地今日齐人就一于行多几步去食盆菜。佢环境都唔错，仲有一个水池养龟。由于唔系旺季食盆菜加上系假日，所以无咩人食，好多张枱都吉左。我地总共5个人就叫左个5人盆。一盘都要550，讲真唔算平，不过一场黎到都试下。佢上黎既时候都系同图片几似，虾同班腩要食先因为岩岩炸起，虾都算大只，不过明白始终系冰鲜虾所以有少少梅。腩肉虽然肥不过层层分明，个汁煮耐左更入味。个人最钟意系冬菇同芋头，南乳汁入味d好好食。不过位置真系几偏僻，如果无车要入黎食都确实唔太方便。