影片
更多
2014-11-17
6663 浏览
家中嫲嫲年过九十，脑筋极之灵巧，每天更例必打十二圈麻雀，就连周末都唔放过，肥肥家族要见佢老人家只可趁晚饭时间相聚 。家中大小成员有退休长辈、在职人士及中、小学生，以周末最为空闲，所以就固定地相约每周六或日晚聚。嫲嫲食量有限，但爱锡儿孙之心却无限 ，聚会时间、地点、菜式全部由后辈们决定，更不时提出可试新颖菜式，因为佢最钟意就系见到大家食得开心个样！十一月初，大肥爸爸提议去远少少，入去深水湾「乡村俱乐部」试吓会所内较高级o既中菜「香岛厅」；肥肥家族三代同堂，不但食得高兴，当嫲嫲得悉价钱比出面酒楼更为经济时，更加系笑不拢嘴 ，大赞抵食。位于深水湾o既「乡村俱乐部」感觉虽然有少少与世隔绝，但原来俱乐部为海洋公园之邻居，正门同附近都有不同路线o既巴士及小巴站，等迟少少地鐡开埋就仲方便。如果非会员选择停泊私家车于停车场，入门口时只需缴付一次性收费$50，即可泊足一晚，当然系唔包过夜啦；因为通常食饭都要成两、三个钟，如果饭前有麻雀打，或者饭后有歌听，可能会泊成五个钟添，所以个人觉得收费唔算贵。当八岁o既小堂细佬步入俱乐部时，第一句就形容环境「好似五星级酒店咁，好高级，好有气派呀！」我地当晚去o
位于深水湾o既「乡村俱乐部」感觉虽然有少少与世隔绝，但原来俱乐部为海洋公园之邻居，正门同附近都有不同路线o既巴士及小巴站，等迟少少地鐡开埋就仲方便。如果非会员选择停泊私家车于停车场，入门口时只需缴付一次性收费$50，即可泊足一晚，当然系唔包过夜啦；因为通常食饭都要成两、三个钟，如果饭前有麻雀打，或者饭后有歌听，可能会泊成五个钟添，所以个人觉得收费唔算贵。
当八岁o既小堂细佬步入俱乐部时，第一句就形容环境「好似五星级酒店咁，好高级，好有气派呀！」我地当晚去o既「香岛厅」系会所内之高级中菜厅，有服装限制，穿著短裤或波鞋者均不得内进。餐厅楼面高，格调高雅，环境光猛洁亮，地方宽敞舒适卫生，堂细佬冇讲错，真系犹如置身于高级酒店内般 。
据说，餐厅内之服务生年纪虽然唔系话好大，但大多已于俱乐部内任职多年，对会员都非常熟识，无论系外籍GM定系楼面伙计，全体人员态度同样友善，且充满热诚，真系好难得。小肥留意到，每当佢地见到老人家及小朋友时亦会加培留神，细心体贴得很，值得一再嘉许 。话就话嫲嫲胃口不大，但大肥爸爸叫𩠌时都会挂住老人家只可进食软腍滑溜o既食物，所以点菜一定唔少得蒸蛋及汤水。
冬瓜盅（$320/中）：冬瓜盅必先预订，$320一份中例，约可分成十二碗，好抵食。冬瓜盅好足料，热汤清甜暖胃，最重要系好啱嫲嫲口味，佢一个人饮咗两碗汤同食咗碗几冬瓜，证明冬瓜好够软腍，汤底好够香浓。
蒸水蛋（$73）：蒸水蛋好滑身，而且好够味，嫲嫲食完再添，掂呀！
姜汁炒芥兰（$75）：芥兰外表翠绿，入口香脆，转盘只系转咗一次，碟菜就已经扫清 ，果然系正菜 ！
粗葱粒豉油皇虾球（$175）：大大只虾球又爽又脆又惹味，虾后堂细妹尤其欣赏。
菠萝咕噜肉（$86）：酸酸甜甜o既咕噜肉外层松脆，肉馅软嫩，好耐冇食过咁好味o既咕噜肉啦！
北京填鸭两吃（$480）：如相所示，北京填鸭色泽光滑油亮，而且去哂毛，卖相一流。
哥哥仔即场带上手套，表演片皮，卫生熟练；佢一边片，只鸭一边发放出微烟热气，真系够哂新鲜滚热辣 ！
第一吃o既片皮鸭皮脆肉嫩，加上香葱、甜酱等配料，再包上烤饼皮，滋味无穷，小堂弟妹仲大赞「正到晕」，劲搞笑 ！
第二吃o既鸭松好大碟，鸭肉香甜，用生菜包住黎食，分外爽脆湿润。
佛门如意柚皮（$128）：拌碟o既菇菌竹笙都好爽脆，主角柚皮腍就够腍，而且好入味，可惜有少少渣，嫲嫲只系细尝一口就放弃。
豉椒煎蛋炒底免治牛肉饭，又称「十字饭」（$88）：因为依味𩠌喺餐牌上被列为「乡村俱乐部十大名菜」之一，所以肥肥家族各成员都想叫黎一试真伪。名菜果然系名不虚传 ，够哂镬气，炒饭底仍能保持干身之余，淋上面o既豉椒免治牛肉芡汁稀杰适中，捞入流心煎蛋更觉香滑惹味，全枱人都赞不绝口 ！
Almond Pancake（$32/两件）：甜品方面，我地一家十口同吃俱乐部最闻名o既Almond Pancake，果真香嫩幼滑美味！据悉，此味Almond Pancake系楼下Garden Room之厨房所煮制，而且必需要服务生前往自取，所以比较需时，攞到上黎「香岛厅」有机会唔够热。
埋单先知原来晚市茶钱续壶计，每壶$25，滚水全免，樽装汽水每枝$11。此外，因会员每个月有交会费，所以于俱乐部用膳并无加一服务费 。眼见家人坐得舒适，吃得高兴，食物更加系价廉物美，嫲嫲脸上o既笑容从心而发，喜悦之情尽情流露，肥肥家族当真感激乡村俱乐部为家人于凉秋送上惊喜暖意 ！
张贴
