甜蜜蜜新生咖啡店 (已結業)

上网找寻尖东一带的CAFE，除左CREMA以外，想揾一D可以坐耐少少又舒服的地方，就自自然然锁定呢度！睇住个地址，其实都唔清楚喺边度，睇住过往既食评介绍，先知由尖东J出口往中间道方向行，见到德国猪手个间就啱方向喇，再行过一两个舖位，就系甜蜜蜜。唔睇唔知，呢道有间CAFE！仲要系咁有特式既！虽然做过下RESEARCH先来，不过喺门口都睇左一阵MENU，呢个时候就已经有个侍应来招呼我，而且态度好亲切。由于刚刚过左六点，就散叫左呢度出名既“雪中情”（豆腐芝士蛋糕）（＄28）同埋CAPPUCCINO（＄28）。取了店员给的号码牌就揾个靓位坐低，见到店舖既一角都系邓小姐既纪念品，供顾客购买。店员送上食物及饮品后很有礼貌地询问食物齐未就收走号码牌，这间店的服务态度确实一流。讲返食物，雪中情上有邓小姐既样子咭仔，拆开胶纸，食第一口的蛋糕后，只觉得豆腐味很浓，而且质感软绵绵的，没有用过多的鱼胶粉，中间夹层的海绵蛋糕也很松软，而且甜度适中，果然是大家都推廌的食物。相反，CAPPUCCINO的奶泡打发得太多，奶泡不够细滑。这裹的食物质素不错，服务态度更是一流，有机会会再来。