老街 (西洋菜南街)

营业中

休息中

天气开始转热，行行吓金鱼街突然间肚仔饿。醒起邻居热烈推介呢一间台式餐厅。咁又好耐冇饮过珍珠奶茶，咁就入去试吓啦。下午茶同午餐对比份量差一段，咁又未食晏，咁就放弃咗下午茶。嗌咗个红烧牛肉面加咗一份小食盐酥鸡，因为侍应话呢个份量比起下午茶系会多啲嘅。先嚟咗杯珍珠奶茶走甜，一食落去啲珍珠就感觉到佢唔系黑糖珍珠，纯粹过吓瘾咬下珍珠就唔太在意。跟住个红烧牛肉面嚟啦，先饮一啖汤，点解个汤底有啲微酸嘅？ sorry我平时多数食台式嘢都系食卤肉饭真系好少食红烧汤底，但冇特别去换。啲牛肉条无味。反而个盐酥鸡几好食，个粉浆够薄，即炸果然系唔同啲。