海港薈

营业中

休息中

邻居约食饭唔知去边度好。记得早排过嚟食个晚餐唔错咁就再嚟呢一间试吓。邻居话想食长脚蟹，睇见个餐牌性价比唔错，咁就叫咗只大概四斤嘅，冇特别加钱去整花雕，就系清蒸食开原汁原味，不过加$100就攞咗啲蟹膏嚟炒多咗个饭，因为食饭人数唔多得三个，所以另外加咗个豆苗就算啦。只蟹好似$180斤，呢个价钱街市都买唔到仲要蒸埋。只蟹虽然唔系好有海水味，但系啲肉都几饱满唔算离壳，同埋啲肉都几鲜甜。另外个蟹膏炒饭喺个味唔算浓，但系就炒得够干身个豆苗个汁系较得唔错嘅，但系个豆苗就好似老身咗少少。上次食炖奶伏咗，今次就试吓佢个焦糖布甸。都好食卜卜脆㗎焦糖整得几好，不过如果系热食就更加好。同埋用饭碗嚟整个份量就细啲好似唔系好够喉，同埋个卖相就差少少。