Home Kitchen

营业中

休息中

喺何文田𠮶边睇完啲宠物野，又热又攰天气又差，揾间舒服啲嘅西餐厅坐下饮杯嘢凉下冷气。其实个地点更加邻近旺角东同埋旺角站，行几分钟就到，一啲都唔远。餐牌选择都有好多，下午茶都好抵食，不过唔系太肚饿所以就志在饮杯野坐下叹下就算。见到佢咖啡来都有好多选择，最后就拣咗一杯热嘅玫瑰拿铁☕卖相好靓，上面有个心心，仲有啲干嘅玫瑰花瓣衬托，令人心情舒畅。咖啡同埋奶味嘅配搭好适中，所以饮落味道香浓之余亦都有奶嘅甜香，而且不失咖啡嘅香浓味道，整体不会太甜，口感香滑味道刚好。最啱行街行到攰入嚟抖下！里面装修设计简约有特色，也有不少食物选择，午餐、下午茶或者晚餐都有唔同选择可以参考一下。