元朗冰室 (已結業)

首先我要讲，𠮶度装修好靓仔，坐得亦都好舒服，点解我会用配搭错误呢，我应间会解释下我老婆食蒲烧鳗鱼饭，我食日式吉列鱼柳滑蛋饭，首先大家自己幻想下你会觉得佢拎啲嘢黎系咩样先，跟住我放啲相你就会明白，点解叫做配搭错误的一餐首先我要讲，佢个罗宋汤系好饮，蒜蓉包好脆好食，但系个罗宋汤嘅浓稠度系好似一个汁，仲要系好多𩠌嘅汁。 首先呢个莆烧鳗鱼饭先，大家幻想左未？佢有三件鳗鱼，炒左滑蛋在旁，另外 好少好少汁系侧边，再配碟冻都牙齿敏感嘅中华沙律， 呢个配搭完全颠倒我对蒲烧鳗鱼饭嘅认识，而三旧鳗鱼 ，也带腥味跟住就系我个吉列鱼滑蛋饭鱼炸得好好，有炒蛋，有粟米同埋又系冻到牙齿敏感嘅中华沙律，最厉害嘅系呢个饭一滴汁都冇， 佢最后会畀一碟沙律酱你，但我唔认为沙律酱系可以捞饭， 好在老婆饮剩少少罗宋汤，我可以捞落去，如果唔系我都唔知点可以干曾曾咁食晒个饭热柠茶柠水唔使讲啦埋单 130 两个人 ，晚饭嚟讲价钱冇乜嘢好投诉， 但今次呢两个餐佢系好有诚意咁搞咗啲唔知乜出嚟，所以我又闹佢唔落，但又赞佢唔到。但我会想试下佢其他中式或者西式嘢。佢嘅日式嘢我真系唔够胆再叫我真系好怕佢𠮶个冻到牙齿敏感嘅中华沙律。