影片
更多
2016-02-21
1414 浏览
之前帮衬过乐天皇朝好几次，八色小笼包当然一绝，其他菜式亦高水准，所以，佢哋嘅姊妹店开到嚟香港，自然投其信心票 。位处奥海城嘅「乐天客栈」，交通尤为方便，今晚同朋友嚟食晚饭，因为佢哋就晌附近返工。相对「皇朝」，「客栈」依一边就显得平实亲民，装潢朴实而摩登，光猛阔落，所以，空间感足，让人感觉舒服。听朋友讲，嚟奥海城个场食饭嘅人都比较慢热，所以，我哋7:00pm嚟到都唔喺咁多人，但到8:00pm就座无虚席 。虽然称为客栈，但唔会得小菜两道，翻一转餐牌，原来菜式甚多，由汤、冷盘小吃、豆腐、肉类、海鲜、蔬菜、饭面、拉面、到甜品，概略计一计有近90款食物 ，不愁无嘢唔啱食。而菜式喺揉合南洋风味及东南亚香料嘅中菜，例如酱料上加入娘惹咖喱酱、参巴酱、冬荫功酱、南洋咖啡浆……等等，有不少颇有心思 ！亦钟意佢哋大部份菜式都分咗大、中、小份量，方便点菜更有弹性。 话梅车厘茄 $12 餐前自家腌制嘅指定小吃，车厘茄已经去皮，入口少少冰凉，清爽而带话梅嘅酸香，开胃醒神。乐天客栈都好注重汤水，餐牌内提供4款炖汤供选择：天麻药膳猪肚汤（$138）、经典咸菜鲜鸭汤（$138）、原盅药材炖鸡汤（$158）
相对「皇朝」，「客栈」依一边就显得平实亲民，装潢朴实而摩登，光猛阔落，所以，空间感足，让人感觉舒服。听朋友讲，嚟奥海城个场食饭嘅人都比较慢热，所以，我哋7:00pm嚟到都唔喺咁多人，但到8:00pm就座无虚席 。
虽然称为客栈，但唔会得小菜两道，翻一转餐牌，原来菜式甚多，由汤、冷盘小吃、豆腐、肉类、海鲜、蔬菜、饭面、拉面、到甜品，概略计一计有近90款食物 ，不愁无嘢唔啱食。而菜式喺揉合南洋风味及东南亚香料嘅中菜，例如酱料上加入娘惹咖喱酱、参巴酱、冬荫功酱、南洋咖啡浆……等等，有不少颇有心思 ！亦钟意佢哋大部份菜式都分咗大、中、小份量，方便点菜更有弹性。
话梅车厘茄 $12 餐前自家腌制嘅指定小吃，车厘茄已经去皮，入口少少冰凉，清爽而带话梅嘅酸香，开胃醒神。
乐天客栈都好注重汤水，餐牌内提供4款炖汤供选择：天麻药膳猪肚汤（$138）、经典咸菜鲜鸭汤（$138）、原盅药材炖鸡汤（$158）及干贝菜胆竹笙炖汤（$168），讲明每盅可供3-5人享用。另有每日靓汤，$42 / 位。
经典咸菜鲜鸭汤 $138 将汤渣捞起，半只鸭加咸酸菜，货真价实，而且，鸭汤煲过汤后更软腍，当然，鸭味会褪些少。份量就十足，味道又如何？饮落甘甘甜甜，嗒落既有鸭肉引出嚟嘅肉香，又有咸酸菜带出嚟嘅酸，整体喺香而不浊。
经典咸菜鲜鸭汤
15 浏览
1 赞好
0 留言
咖啡脆鸡 $86 / 小 乐天皇朝曾经推出过一道「香浓咖啡骨」，但做完推广后就无再纳入正规餐牌中，道菜嘅浓香咖啡味我仲念念不忘，估唔到晌度遇上脆鸡版本，咁就一定要重温啦。依然卖相色泽深到近黑，绝不讨好，不过，脆鸡非常好食，皮脆肉嫩，但咖啡味似乎无以前咁香浓。
咖啡脆鸡
$86
44 浏览
1 赞好
0 留言
同样喺寻回滋味，上次晌乐天皇朝试过依道菜式，所以，推介俾朋友试试。一客6只，沾满芥末蛋黄酱嘅虾球咪睇佢青青绿绿，其实芥末味含蓄唔攻鼻，惹味得嚟易入口；虾球大大粒，爽弹带鲜，用料绝无欺场，就连脆米盏都脆口又几好食；伴以蟹籽、兰香子及芒果粒，好睇、好食、又有特色嘅一道海鲜菜。
家乡卤元蹄 $118 百零蚊一份嘅招牌元蹄真喺好抵食，最欣赏喺佢哋连埋热炉及大盅上枱，令元蹄保持一定热度，唔怕摊凉咗啲油脂凝固。睇餐牌中嘅介绍，既加入中草药同香料去熬制，又煮足六个钟 ，放上芫茜，嚟到已香气四溢。骨肉被炆到轻易分离，虽然话喺元蹄，亦无想像中咁肥腻，皮下脂肪位入口即化、油润甘香，瘦肉部份软腍入味。
家乡卤元蹄
$118
21 浏览
1 赞好
0 留言
个卤水汁底稀杰度啱啱好，浓香不浊，点可以唔叫碗白饭（$9）呀！
双菇扒西兰花 $98 样样肉，自然要有一道蔬菜平衡吓好啲，菇菌一向都好啱我，双菇扒西兰花有益够健康。双菇以大花菇及茶树菇入馔，前者厚肉而菇味浓，后者带爽，茨汁又煮得啱啱好。
甜品一栏，6款甜品中以三色桂花班兰糕就最有特色、最有卖点，虽然我哋都有啲饱，都仲喺想试一试，况且只喺$26一客，真喺好抵食 ！
三色桂花班兰糕 $26 桂花、班兰及椰汁做成嘅三色糕，一客6件，真喺抵食到无朋友，卖相又精致，不过，大可放心，唔会得个样。糕身紥实，各有各味道，夹埋又唔会太古怪，意外哋合衬，又无过甜嘅弊病，有份清爽怡人嘅感觉。
三色桂花班兰糕
$26
19 浏览
1 赞好
0 留言
张贴
