Suage北海道湯咖哩

营业中

休息中

最近去咗旺角朗豪坊依间「Suage」食晚饭，依度嘅汤咖喱不论系主菜、主食、汤底、辣度，定还是配菜都有好多选择。*此餐厅收取加一服务费。青鲂斑蕃茄海老汤咖喱乌冬配芝士片、小辣5 （单点$124），青鲂斑肉质嫩滑，味道鲜甜，乌冬口感滑溜，容易挂汤，配以热熔车打芝士食用，味道咸香，番茄海老汤底，味道酸甜、带有鲜味。炙烧豚角煮汤咖喱乌冬配椰子汤底、茄子2件、大辣 7 （单点$104），豚角油脂部份食落入口即化，食落带有焦香味道，茄子食落好Juicy，配料包括有溏心蛋、南瓜、茄子、莲藕、节瓜、西兰花、苦菊，椰子汤底味道清甜。北海道薯蓉芝士年糕（单点$28），口感外香脆内烟韧，芝士味道咸香，配以辣味千岛酱食用，味道更佳，略嫌食唔到有薯蓉馅料。士多啤梨抹茶奶（单点$38），抹茶味道浓香，奶味醇厚，配以士多啤梨果酱饮用，饮落好清新。朱古力Suage乳酪特饮（单点$38），表面铺有朱古力酱，口感浓稠，略嫌朱古力味道偏淡，而且朱古力与乳酸味道上嘅融合带有违和感。