影片
更多
2021-06-19
187 浏览
今日去开沙田围打波，想睇吓附近有冇嘢饮。就揾到呢一间喺河畔花园既舖头！👍🏻豆味芝士奶盖豆乳茶完完全全被上面粒白玉吸引，奶盖厚厚嘅一层，饮落芝士味都几重而且相对杰身。茶底比较特别，有少少似 豆浆（外卖虽然有少少唔环保，不过佢将白玉分开，到想饮嘅时候加落去）👍🏻多芒杨枝甘露/多芒小丸子两个芒果系列都好出色，淡淡芒果香，仲有好多水仙芒果肉，杨枝甘露唔少得嘅柚子粒份量好多，爽甜清新。而且小丸子都好烟韧，应该有浸过糖水，食落就会比较甜。👍🏻黑糖珍珠豆花叫咗个热嘅（返到屋企摊一摊放入雪柜）豆花每一片都厚身，食落口都叫做滑！珍珠大小均一，黑糖味都够出，属于唔系好甜嘅甜品！👍🏻芋圆仙草红豆布丁豆花有得自己拣三款，不过好想试埋个布丁。芋圆比一般大粒，芋头同番薯味都比较淡，但系都食到芋头粒！仙草好滑，亦都有少少药材味道。红豆煮得够淋，布丁有蛋香！超多配料，其实两个人食都可以！！👍🏻👍🏻小店好有人情味，上一个顾客差少少钱阿姐叫仲叫佢下次先俾～
👍🏻豆味芝士奶盖豆乳茶
完完全全被上面粒白玉吸引，奶盖厚厚嘅一层，饮落芝士味都几重而且相对杰身。茶底比较特别，有少少似 豆浆（外卖虽然有少少唔环保，不过佢将白玉分开，到想饮嘅时候加落去）
👍🏻多芒杨枝甘露/多芒小丸子
两个芒果系列都好出色，淡淡芒果香，仲有好多水仙芒果肉，杨枝甘露唔少得嘅柚子粒份量好多，爽甜清新。而且小丸子都好烟韧，应该有浸过糖水，食落就会比较甜。
👍🏻黑糖珍珠豆花
叫咗个热嘅（返到屋企摊一摊放入雪柜）豆花每一片都厚身，食落口都叫做滑！珍珠大小均一，黑糖味都够出，属于唔系好甜嘅甜品！
👍🏻芋圆仙草红豆布丁豆花
有得自己拣三款，不过好想试埋个布丁。芋圆比一般大粒，芋头同番薯味都比较淡，但系都食到芋头粒！仙草好滑，亦都有少少药材味道。红豆煮得够淋，布丁有蛋香！超多配料，其实两个人食都可以！！
👍🏻👍🏻小店好有人情味，上一个顾客差少少钱阿姐叫仲叫佢下次先俾～
张贴
