掌門重慶麻辣火鍋 (已結業)

配料新鲜麻辣锅渡船街呢边一向都多美食，今次就去左呢间食麻辣火锅，餐厅唔算大，装修得几骨子，座位有十张枱左右，去之前最好打去Book枱。呢到个重庆麻辣翡翠锅 $148 好特别，成个汤系绿色，比平时嘅麻辣锅无一层油系面又清新啲，😋少左罪恶感，食都觉得健康啲，叫左小麻小辣，但到后期愈食愈麻，愈食愈辣，🤪要加汤去降返个辣先得。极品西班牙黑毛猪 $88排到好靓，有十块左右，肉质软身，猪味浓，但唔骚，好味👍掌门招牌四宝丸 $98有鱼蛋、牛丸、墨鱼丸、贡丸，每样三粒，而墨鱼丸最出色，食到有粒粒墨鱼系入面，又弹牙。掌门芫茜饺 $58自家包制，粒粒都饱满，馅料好丰富，芫茜味重，岩哂钟意食芫茜朋友。韩国炸餐肉条 $48炸到外脆内软又香口，就咁食已经觉得好好食，再浸一浸个汤加上麻辣，更加惹味。五彩鲜蔬篮 $58放到好似花咁，好新鲜，有几款菜，有生菜、娃娃菜、通菜、金菇。