靖·火鍋 (已結業)

已经有一段时间冇打边炉，而且一人一锅嘅机会更加少，今次终于有机会去铜锣湾新开火锅店靖火锅品尝一人一锅。呢度配料食物选择极多，目不暇给，最紧要呢度环境优美可以直望维多利亚港。今次我哋order咗 牛蛙、安格斯牛肉、醉鸡、蟹柳、午餐肉、鲮鱼滑、墨鱼滑、海虾、杂菌盘，熟食叫咗羊肉串，而汤底系鸳鸯锅，一边系猪骨另一边系麻辣。牛蛙够大只够新鲜，安格斯牛肉就超柔软嫩滑值得推介，醉鸡好入味，蟹柳、午餐肉都同样出色 ，墨鱼骨同鲮鱼滑都超弹牙可口，而且砌个心形上碟，绝对系打卡之选  ，杂菌盘有鸡脾菇、金菇、日本草菇及冬菇等新鲜蔬菜，羊肉串就非常惹味，而最紧要嘅汤底就绝对鲜味十足，好啱香港人口味。