Burgeroom (美麗華廣場1期) (已結業)

有排朋友不断话想食尖沙咀某间汉堡店，但因为有啲少贵，所以我另外有揾仲有无其他汉堡店，有机会再试佢想食个间。揾揾下发现美丽华呢间汉堡店好似唔错，唔算好贵，都多人食同有好评。于是就book定位，点知去到发现好似唔使book都得，入座个阵唔算太多客。-牛肉汉堡$75上枱个阵都觉得份量几多，汉堡包包身、牛肉，以至于蕃茄都好厚身。个人其实唔太钟意呢款包，加上店家烘炸时间应该唔太长，无咩香气同口感可言，做唔到外脆内软。牛肉系几厚身同多汁，亦有淡淡牛香，但唔够浓郁。厚切蕃茄好新鲜，食落鲜甜清香。最欣赏系用咗千岛沙律酱，好开胃。但由于个包太大旧，食食下真系好难保证唔散架，食到好狼狈。-旋风薯条＄28呢款薯条同著名连锁快餐店同款，不过呢间炸得几出色。炸得唔会过老，保留到薯仔香，外表呈金黄，入口酥脆。最重要系份量都唔少，蘸上茄酱或芥末酱都好滋味。个人认为薯条比汉堡包更出色。