曉廚軒香港風味 (已結業)

无惊无险又收工，今晚有酒聚，路经大代都系打个底稳阵喇，免得空肚就劈过您死我活，无野㓥呢 ﹗近来晚晚都好旺场㖞，7 点几想揾个靓位都难，面壁都照坐啦，食少少野十 多分钟啫。豉椒蒸排骨，收银叔叔话剩返一碟都放一段时间唔系太靓㖞，不如即刻蒸碟新比您好无？好呀好呀，麻烦晒 ﹗当然新鲜出炉最好味啦。约五分钟搞掂，香喷喷 ﹗大量蒸气向上飘啊， 好有气氛。肉味香浓甜美，肉多骨少又无咩肥膏，啖啖肉爱死您 ﹗猪肉甜美中泛著少许豆豉及红椒味道，更加好味 ﹗原盅淮山杞子螺头炖鸡脚汤，老实讲我有 9 成都系因为个炖汤而黎架乍，足料大碗又经济。螺头海味味道特浓，螺头肉咽咽韧韧，炖完汤都仲有摄人既海螺味道。汤汁清彻而香浓，淮山杞子天然甜味并上鸡汤底，好味到唔停得口，就连汤渣都好好味呢 ﹗ 胶口嫩滑鸡脚、粉口鲜淮山 ！