Chapter 3 Steak Bar & Restaurant (已結業)

落酒吧轻松一下，我首选呢间。原因系各方面都好，听落好简单，但数起上嚟都真系几多野：Cocktails 够多够齐，生啤啱我口味；食物质素高，价钱又好合理；位于太子，基本上大部份嘅朋友都就脚；气氛同 service 亦唔错。John Collins $74酸酸地的威士忌 cocktail, 酒味唔会太浓，好饮而且易入口。Tequila Sunrise $72偏甜的鸡尾酒，而且酒味浓，几啃架。Paulaner $72近日之大爱，来自德国的麦啤， 一pint 都系七十几蚊。钟意佢够滑，而且麦味够香。炭烧美国顶级肉眼扒 $148配凯撒沙律 $38肉眼扒几大块，而且够厚身，食起上嚟特别 juicy 。五成熟的肉眼，佢真系做到外层焦香，内里又充满肉汁，估唔到酒吧都食到如此高质的牛扒，惊喜！水牛城鸡翼 $78几辣吓，好香口，而且鸡翼入味，送酒一流。