娜吧

营业中

休息中

位于北角既酒吧餐厅，未入嚟之前以为系食西餐，仔细睇餐牌先知原来系食拉面，啱晒收工落嚟chill~ 餐厅既装潢好有特色，坐唔同既位置都好适合打卡。自家制黑豚叉烧拉面叉烧既外层甘香，入口即溶🤩，最钟意呢款口感既叉烧。汤底系自家烹调，无落任何味精，味道浓郁得嚟又唔会觉得好heavy 。拉面软硬度适中。成碗拉面每个细节位都做得好出色，好有心思，就算系坊间既拉面店都唔一定煮到呢个水准。日式沾面果然系打卡之选既沾面，上菜果下有股腾云驾雾既气势，吸引埋隔离枱既目光😂。来自台湾既面底嫩滑弹牙，再沾上厚身浓郁既汤底，冷热交融既口感真系无得输。