Jagger

营业中

休息中

餐厅有室外及室内，开放感十足，气氛劲chill。🥢避风塘风味炒蚬墨鱼面$148卖相超靓，有成朵玫瑰花放响中间，蚬肉份量都几多，而且胀卜卜又juicy，面头好多蒜片，够哂惹味，配合质地刚好嘅墨鱼面，唔错。🥢软壳蟹牛油果沙律$118贝壳型嘅白色磁碟，配上粉蓝色嘅食用花好靓，软壳蟹炸得甘香酥脆，沙律菜新鲜，牛油果原来放咗响底下，份量都唔少。🥢Jagger特色火焰德国咸猪手$198将火焰橙酒倒落猪手上，使得猪手表面更加香脆，之后厨师会代劳帮我哋切开，并配上炸薯仔及酸菜，猪手表面劲香脆并带微微嘅蜜糖香，而且唔会死咸，好有嚼劲，配啤酒一流。🍺Arcobrau Schloss Dunkel $75HH $95Normal食德国猪手点可以唔饮啤酒呀😆，配黑啤仲更加一流，味道酸酸地亦带果香，麦芽味突出，而且回味持久。🍺Samuel Adams Sam'76 $70HH $88Normal花香味超突出，口感顺滑清爽，轻盈爽脆，劲喜欢。呢间酒吧餐厅所提供嘅美食绝对不容小觑，好味得嚟卖相都唔错，坐得舒服又够chill ，侍应服务态度仲好好添👍。