Hami Harmony (已結業)

今日途径太子酒吧街，发现一间好特别嘅餐厅，白色嘅外墙令佢系众多食肆当中别树一格。由于lunch时间，都有人系出面等位，但人龙唔算长。我同朋友走过去望见里面环境好似唔错，就决定系度食lunch。等咗一阵就可以入去坐啦。我地叫咗金巴利子汁鸭胸伴薯蓉同啤酒炸浆炸鱼薯条。金巴利子汁同鸭胸简直系绝配，再加上薯蓉成道菜真系令人食过翻寻味。啤酒炸浆炸鱼薯条D啤酒几入味，炸鱼薯条都炸得几好，好脆口，整体感觉都OK。由于我都几钟意食沙律菜，两道菜都有新鲜沙律菜跟埋，所以都觉得几好。另外，我都叫咗杯饮品—鲜果士多啤梨柠檬薄荷梳打。夏日炎炎饮返杯真系觉得好清爽。依几种新鲜生果配搭都几得意，味道特别，唔似人造色素。个人认为菜色定价中上，但质素唔差，加上环境同服务一齐计价钱都算可接受。有机会会再嚟，叫多D朋友一齐share都唔错。