魂 (已結業)

今日约左朋友系太子酒吧街果头饮野，谂住早到食啲野食先，经过见到开左间食拉面既，望落几吸引，试一试佢。可能时间尚早，不用等位即时被安排入坐。天口热冷气够，真系非常舒服。拉面款式虽然不多选择，但令我感到咁样反而仲专业！贵精不贵多麻。我地一行二人分别点左魂拉同青龙拉面，分别系原味豚骨汤同波菜豚骨汤，再泥多个烤日本味淋鱼干！好快热辣辣上枱，卖相几好而且汤够热，面条系粗身我地都要左适中硬度，岩岩好，叉烧肥瘦适中又大块，入口即溶。好有日本时食既风味！汤底浓而不油。好岩我胃口。波菜汤底几特别但又无抢左豚骨汤味。十分配合！小吃要左烧鱼干，好好食，烧到半软状又咬口。食到停不了。想叫多份食添😂😂总括泥讲，很不错的拉面，适合我既喜爱，可能我钟意食拉面啦。面质都系我钟意既类型。下次再食先！