娜吧

营业中

休息中

朋友介绍炮台山AIA有间酒吧「娜吧」系个倾计好去处，今日同佢来到呢度，酒吧老板好热情，会过来同我啲倾几句，落座会送一碟坚果（花生、开心果、芥末青豆）一碟虾片，味道都棒棒嘢。酒吧竟然有拉面食，嗌佐黑豚叉烧拉面：叉烧好大旧，半肥瘦，入口即溶，汤汁浓郁鲜美，面条爽滑脆弹，配上溏心蛋，味道岩岩好。日式沾面：呢道好适合打卡，碗底有干冰，水倒入营造烟雾效果，非常梦幻！等烟雾散露出一粒鲍鱼，多旧三文鱼，仲有蟹柳、溏心蛋，好丰富。面类似刀削面嘢粗身面条，好有劲道。沾面汤底鲜味好浓郁，面条好挂汁，值得一试。日式鳕鱼豆腐：炸得金黄色，配上芝麻酱，口里立涌酸甜咸嫩嘢滋味。边食边饮啖啤酒边倾计，好惬意！