影片
更多
2014-06-27
831 浏览
小肥喺湾仔工作，因健康理由，午餐大多带饭，但有时都会出去试区内o既不同食肆。上星期四，碰巧honey喺金钟附近做完野，经过一间酒吧，见其易拉架广告正在推广越式午市套餐，觉得几得意，所以就玩即兴，拉我一齐去试，结果我地两人各有各惊喜 ！夜间为酒吧o既Xperience位于名酒家「美利坚」对面，离金钟地鐡站不远，附近有多间酒店，每晚更以不同舞蹈作主题吸引各式舞王舞后，闲日夜晚路过都留意到酒吧不乏蒲客，只系从来都冇谂到酒吧日间会提供越南𩠌菜，听到时真系吓咗一跳 ！Xperience系地舖，有一半座位设于室外，有大树遮荫，天气如果唔系好热应该都几凉爽，当然亦系烟民最受欢迎o既位置啦！吧枱前有六、七张散座，由于分隔得都几开，所以虽然中门大开，冷气唔系好够劲（环境分被扣之主要原因！ ），感觉上都算通爽阔落；吧枱后面，即近厨房门，仲有几枱隐蔽o既梳化位，食客可以一边玩飞标，一边食野，唔怪得知夜晚咁爆场啦，原来有咁多玩意。酒吧餐厅o既服务生大多以英语沟通，不过当中都有人识讲广东话，不过最搞鬼就系经理哥哥，不但吹得两嘴，佢啲广东话更逗得我honey哈哈大笑，成功赢取美人芳心及「靓仔经理」之封号
夜间为酒吧o既Xperience位于名酒家「美利坚」对面，离金钟地鐡站不远，附近有多间酒店，每晚更以不同舞蹈作主题吸引各式舞王舞后，闲日夜晚路过都留意到酒吧不乏蒲客，只系从来都冇谂到酒吧日间会提供越南𩠌菜，听到时真系吓咗一跳 ！Xperience系地舖，有一半座位设于室外，有大树遮荫，天气如果唔系好热应该都几凉爽，当然亦系烟民最受欢迎o既位置啦！吧枱前有六、七张散座，由于分隔得都几开，所以虽然中门大开，冷气唔系好够劲（环境分被扣之主要原因！ ），感觉上都算通爽阔落；吧枱后面，即近厨房门，仲有几枱隐蔽o既梳化位，食客可以一边玩飞标，一边食野，唔怪得知夜晚咁爆场啦，原来有咁多玩意。酒吧餐厅o既服务生大多以英语沟通，不过当中都有人识讲广东话，不过最搞鬼就系经理哥哥，不但吹得两嘴，佢啲广东话更逗得我honey哈哈大笑，成功赢取美人芳心及「靓仔经理」之封号 ！靓仔经理不但落力，毫无架子，而且卫生意识高，就算传菜换碟等功夫亦亲力亲为，极为难得。闲谈中得知靓仔经理来自越南，酒吧都系两个几月前先开始提供越式午餐，食物菜式全以其家乡之秘方所烹调而成 ，可以话系正中过正中！佢地而家所推出紧o既越式午巿套餐尚在试验阶段，想先睇吓顾客o既反应及热烈程度，然后再因应需求进行调整。
Royal Spring Roll越式春卷：靓仔经理非常细心，呈上越式春卷时千叮万嘱我地要以生菜包住黎食，同小心睇热 ！春卷内之肉馅幼嫩，生菜鲜绿爽脆，包住热辣辣o既春卷食，口感非常松化，点上酸酸甜甜o既橙色秘汁更觉清新醒神 ！
Saigon Green Papaya Salad 干牛肉丝青木瓜沙律：Honey最爱食菜，头盘唔洗谂一定叫沙律：「切成幼丝o既青木瓜同青瓜又爽又脆，味道带少少辣，估计系由烟烟韧韧o既牛肉丝散发出黎，好醒胃。如果要同方间o既越南菜馆比，个人觉得有过之而无不及呀 ！」
Grilled Lemongrass Pork with Vietnamese Cold Vermicelli香芧猪柳捞檬：虽然碗面舖满鲜菜，但原来个碗好深，菜底有多件香芧猪柳，檬粉o既份量仲多到有少少惊人添 。靓仔经理话食檬一定要捞匀，千奇唔好手软，要加多啲秘汁先会好味 ！以秘汁捞制o既檬粉软身弹牙、毫不油腻，细细条o既香芧猪柳烧得好够脆皮香口，而且一啲都唔干，整体清脆利落。
Vietnamese Raw Beef Rice Noodle Soup生牛肉汤河：据靓仔经理所讲，汤底以牛骨长时间淆制，保证味道浓郁，事实亦非常香浓美味。此外，汤中o既河粉好够软滑，洋葱更加系鲜甜清爽！最值得赞许o既系酒吧绝不吝啬，汤河中之主角牛肉薄片全为美国牛 ，软熟得黎好有牛肉味，我地二人都like爆 ！
Iced Coffee涷咖啡：小肥饮咖啡味道一定要够浓，Xperience杯涷咖啡滑就够香滑，亦好够涷，不过个人觉得咖啡浓度如果可以double就更加好 。
Xperience地方开扬，设有室外座位，喺度用膳感觉都几轻松他条，唯独个人觉得空调不足，希望酒吧可以稍作调节，或关闭落地玻璃门窗，免得冷气外流出街。夜间为酒吧o既Xperience，现正推广周日越式午巿套餐，真系好有惊喜！厨房选用o既食材高质、份量足，汤底淆得够火候，越菜中不可缺少o既秘汁又香甜野味，不但奉送饮品，而且无加一服务费，埋单每人一百蚊有找，仲要饱到揽住个肚，绝对超值 ！最感动就系有位靓仔经理坐镇，除咗勤奋落力、体贴好客，佢亦非常幽默友善，服务真系好到加零一 ！香港人食饭都钟意人多，可以试多几道菜式，食越南菜都一样，就算两个人去食都会情愿叫几款小食，最后先叫碗河粉黎分。虽然酒吧并无强迫每位食客要叫一客套餐，不过如果想试多几味，就要叫多几set，即食多几客淀粉质主菜，所以在此，小弟想建议Xperience加推单点餐牌（À la carte menu）以供食客选择。
张贴
