Main Place

营业中

休息中

同friend喺旺角花墟球场打完波得返两个人，就两个一齐行过去太子食晚饭。一转入花园街行两部就黎到Main Place呢间酒吧餐厅度食。有别太子区其他嘅酒吧，由于呢间系清吧嘅关系，冇左平时嘈吵嘅骰盅声同猜枚声，再加上暗暗嘅灯光，别有一番风味。一坐低个侍应就问放低个餐牌同问我地饮咩，我本人就唔好酒所以要左杯水，个friend就叫左杯cocktail，饮完佢都有话几好饮，不过就真系唔记得左佢叫左D咩啦。野食方面我地两个人叫左个肩胛肉同芝士青口share，D野食唔洗话等好耐先黎，个肩胛肉真系好大份又重牛味又完全唔硬，个青口粒粒都好大粒，D芝士汁香得黎又唔会盖过青口D鲜味，真系一流。到埋单原来食牛扒青口都可以每人200蚊埋单，D侍应仲要态度好好，如果下次再喺太子食饭一定会再黎。