Vici Stage

营业中

休息中

平时向荃湾，酒吧都系比较少，而且只有酒饮。今晚我去呢间酒吧，佢重系一间餐厅黎👍🏻餐厅坐位距离都好阔，等食客食得安心。开放式厨房可以比客人见到厨师既风姿👍🏻我地叫左两杯饮品同埋4个菜。饮品系柚子森林同埋孟婆汤。右边果杯系柚子森林，由柚子酱混合一啲酒而成，好易入口，清新醒神。左边果杯系孟婆汤，系由好多款酒组成，入口会感觉到甜、酸、苦、涩几个味道👍🏻吾好以为酒吧只有酒系出色，佢地既食物都非常出色。我地叫左香煎三文鱼配芒果莎莎，三文鱼煎到刚刚好，表面配有芒果肉粒，入口有酸甜味，配返味淡既三文鱼，不错👍🏻我地重有叫串烧，有猪肉牛肉鸡肉，𩠌酒一流👍🏻厨师控制火候控制得好好，无烧到过火，软淋淋，好味👍🏻焦糖蒜香牛柳粒都好好味，每粒牛柳粒上一面都有焦糖，入口甜甜地，加埋蒜头香味，食到停吾到口，而且牛柳既肉汁都好多，呢个一定要食👍🏻最后介绍系呢个意大利饭，啲饭好淋，个汁味道岩岩好，吾会太浓。配埋海鲜既鲜味，一绝👍🏻带子大粒之余又吾腥，食完呢个饭都饱晒。同朋友倾下计，饮多杯野，咁就一晚👍🏻如果大家都想试下去一间酒吧餐厅，有一个美满既晚饭体验，都可以去试下。