La Mensa Grill & Bar (Plaza 88)

营业中

休息中

平时收工经过都见到好多人帮衬，经过见到呢间西餐厅可以食嘢饮酒环境气氛几好，今日收工有时间同同事过嚟帮衬下。餐厅嘅装修，气氛，都比到我一种好舒适嘅感觉，好适合收工时间去到放松吓。阔条面伴炒三文鱼忌廉汁 ，忌廉汁味道够香浓，每一条阔条面都挂上忌廉汁，味道特别香口，加上阔条面煮到啱啱好软硬度适中，食落去好有口感，三文鱼炒香咗之后另一番味道，入口有三文鱼嘅鲜味，加上油脂香味非常浓郁，味道好有层次。羊扒晚餐 跟一杯红酒，羊扒份量都好多，有四件，羊肉味香浓，食落去肉质仲系好嫩滑，最正就系羊扒上面嘅调味，食到羊肉嘅香味，慢慢香料同蒜香味道渗出来，味道非常有层次。最钟意就系羊扒下面嘅薯仔，吸收晒肉香味，入口有口感，味道一流，红酒嘅味道都唔错，一啲苦涩味都冇，入口有少少果香，用嚟配羊扒真系一绝。收工喺度坐低饮杯酒食啲嘢，真系好放松。下次有时间都会再嚟帮衬。