芝加哥串燒 (美豐花園) (已結業)

好耐冇黎大埔探朋友，顺便约佢去酒吧吹水饮嘢，佢带我嚟到呢间小型酒吧，因为佢话啲小食质素唔错价钱又唔贵。铺面唔算好大约10几个座位，吧枱吧等设计，坐一阵听吓歌望住小巷，都唔错。德国黑啤猪手配时菜，已切件上嘅猪手食起上嚟呢只方便，猪手皮脆，有淡淡的啤酒味，加薄荷酱食更佳。真正厚切牛舌，煮得好淋，咬落去软绵绵啖啖肉，有牛肉味。黑松露烧珍宝带子串，黑松露嘅香气令到带子嘅鲜味更突出，珍宝带子肉厚新鲜。蒲烧鳗鱼串系我最钟意日式小食之一，味道唔会好浓好咸，都唔错。纽西兰羊架都系$36，性价比高，半肥瘦羊架，羊脂肪好香，好有口感。来得酒吧梗系要饮啲啤酒 或sider ，一路倾偈一路饮酒零泻开心。