Foxglove

营业中

休息中

环境5分：神秘大门入到去系高级西式餐厅加酒吧格局，环境畀硬满分。卫生4分：碗碟餐枱都好干净，卫生可以畀四分。服务4分：知客态度最好，带完位会推介埋餐牌上边D招牌菜最受欢迎，一样畀四分。味道4分：1)     虾多士有四件，炸到非常之脆，配上甜酸酱非常惹味。2)     海胆虾饺个海胆分量非常充足，满满铺满响虾饺上面，视觉上非常澎湃，当然虾饺入面Ｄ虾都非常之新鲜。3)     上海小笼包好大只又好多汁，个猪肉馅好嫩好软熟。4)      蜂巢芋盒非常大件，芋头蓉好多，外围炸到好脆。5)      红烧牛肉面一碗有四至五嚿牛肉粒，好淋，配上烟烟韧韧嘅上海面非常好食，上海面又索晒Ｄ汤汁，最后连Ｄ汤都饮晒。抵食4分：夜晚有点心食已经好特别，仲要响呢Ｄ咁高级fusion西式餐厅配酒吧入边食，真系大开眼界。每款点心咁精致，有D仲要配海胆，碟碟都系几十蚊，咁嘅地方同服务绝对抵食。