影片
更多
2019-06-20
174 浏览
位于中环既呢间酒吧，非常近地铁站，位置方便地方又大，仲有露天位置！串烧既位置独立分开，仲会见到专人烧烤非常专业！酒吧特色系用备长炭烧串烧，备长炭一点燃可维持长时间，火力强而猛烈！烧鳕鱼干 $32一流既鳕鱼干，非常脆身，薄薄一块用力就碎！鱼味香又唔腥！一流！特选厚切牛舌串 $48相当有厚度既牛舌，牛味十足，唔会烧到干晒好韧，好似同只牛打车轮咁，非常推荐！手工芝士明太子烧鸡翼 $42拆左骨既鸡中翼，有成块芝士系面头，用火炙烧过，卖相非常吸引！一咬就劲多明太子爆出黎，鸡翼入面塞到爆既明太子唔会腥，而且非常有口感，配上芝士既味道简直一流！鸡翼手羽先串烧$36外层烧得香脆，切半既鸡翼就算连骨都食得非常方便，调味足食落嫩口～鸡胸软骨串烧$30有别一般传统的鸡软骨，鸡胸软骨连鸡胸肉较多，食落爽脆又唔硬，除左软骨仲有颇多的肉，有口感得黎又唔会无肉食！羊架串烧 $59羊架食落羊味十足，肉质鲜嫩多汁，烧得刚刚好七八成熟，唔会韧！烧芝士年糕 $28年糕软熟稔身，外面的糯米烧得脆皮，芝士又够，上面仲洒左少少海苔粉，增添风味！驰名印式炭烤鸡件 $118估唔到会有印度风味既烤鸡，鸡件大份，调味酱有点薄荷味，柠檬味
串烧既位置独立分开，仲会见到专人烧烤非常专业！
酒吧特色系用备长炭烧串烧，备长炭一点燃可维持长时间，火力强而猛烈！
烧鳕鱼干 $32
一流既鳕鱼干，非常脆身，薄薄一块用力就碎！鱼味香又唔腥！一流！
特选厚切牛舌串 $48
相当有厚度既牛舌，牛味十足，唔会烧到干晒好韧，好似同只牛打车轮咁，非常推荐！
手工芝士明太子烧鸡翼 $42
拆左骨既鸡中翼，有成块芝士系面头，用火炙烧过，卖相非常吸引！一咬就劲多明太子爆出黎，鸡翼入面塞到爆既明太子唔会腥，而且非常有口感，配上芝士既味道简直一流！
鸡翼手羽先串烧$36
外层烧得香脆，切半既鸡翼就算连骨都食得非常方便，调味足食落嫩口～
鸡胸软骨串烧$30
有别一般传统的鸡软骨，鸡胸软骨连鸡胸肉较多，食落爽脆又唔硬，除左软骨仲有颇多的肉，有口感得黎又唔会无肉食！
羊架串烧 $59
羊架食落羊味十足，肉质鲜嫩多汁，烧得刚刚好七八成熟，唔会韧！
烧芝士年糕 $28
年糕软熟稔身，外面的糯米烧得脆皮，芝士又够，上面仲洒左少少海苔粉，增添风味！
驰名印式炭烤鸡件 $118
估唔到会有印度风味既烤鸡，鸡件大份，调味酱有点薄荷味，柠檬味混上香草忌廉，味道独特新鲜。
蒜片榄油虾$88
估唔到呢款菜式竟然系辣的，而且辣味亦不少！喜欢食辣的人应该会非常喜欢！辣得黎非常香口，虾亦非常弹牙，惹味十足！
Overtimed Lunch Menu 沙律&餐汤
沙律新鲜，味道独特，有别于一般沙律！
餐汤亦非常新颖，用多种蔬菜打成既浓汤，清新口味，有种印度汤的感觉。
Overtimed Lunch Menu-
炭烧天多尼式澳州120日谷饲黑安格斯肉眼（8oz）配薯条及杂菜 $168
天多尼系印度北部料理既烹饪方法，以各式香料同乳酪腌制，烧完后肉色带焦红。
牛扒简左3成熟，肉质鲜嫩，外层烤得香喷喷，香气四溢，非常香口！
薯条新鲜制造，表层沾满了调味粉，味道非常足够，连茄汁都唔洗沾。炸到脆卜卜既薯条真系一流既伴碟！
呢间酒吧意想不到地有咁多印度菜，食物质素非常高，串烧更令我大开眼界，无论日头定夜晚都岩既酒吧，一定会再黎！
张贴
