Samsen 泰麵

营业中

休息中

今日专登去湾仔试呢间餐厅，去到门口觉得装修好靓，但坐低后发现座位之间好逼，坐得好辛苦，同隔离枱超级近，望落可能以为我地系一枱！坐低后，因为我地有两个背囊，两件外套，由于我地坐紧墙边，刚好有一个位可以放到一张椅子，就问职员可唔可以比张椅子我地放低背囊同外套，点知佢话唔可以，其实到而家我都好唔明白，明明有位，而且系墙边！亦冇阻住出入口，咁少嘅要求都可以冇原因地拒绝！我叫左一个和牛粉，份量少得可怜！仲要咁贵，牛贵Ok，粉都俾多少少啦！食完个河粉，其实个职员已经来回好多次，想收走我啲碗，佢第一次行过嚟收碗，我话个汤要，因为我要点鱼皮食！但佢仍然不停望住我地，当食完最后一块鱼皮，即刻收走我啲碗，剩返几啖嘅蟹肉炒饭，佢想收埋！我Stop左佢！人哋根本就未食完，我明白要做生意，但系咁嘅价钱，我地唔系食紧快餐！就连最后想饮啖水，都系一边着住件外套，一边饮！职员话知你，继续收碗碟！以后都唔会再帮衬！