影片
更多
2017-10-08
604 浏览
千上日本料理 - 酒店入面嘅「隐世」日本料理识讲「213孖4」嘅人周围都有，但字正腔圆咁讲「いらっしゃいませ」嘅唔多；日本野周围都食到，但想食啲有质素嘅日本料理，就唔系度度都做到。今次得到朋友捐窿捐罅咁带咗我上酒店去食千上，除咗听到纯正日本口音嘅「いらっしゃいませ」之外，仲食到一餐好高质嘅日本野。入座之后，店员就递上热菜。店员同我地讲由于间铺都仲系新开张冇耐，所以餐牌、餐具摆设都好基本，同食物嘅价位唔太相衬，打算连餐牌餐具都用相机吞落肚嘅话可能会有啲失望。不过对大食7嘅我地黎讲，食物嘅质素就更重要。「给我食物，其余免谈！」（左）左口鱼、火炙带子寿司，刺身，蟹羔玉子（右）鲷鱼、火炙三文鱼寿司，池鱼刺身，温室蕃茄海葡萄沙律等到一阵，侍应终于递上食物。话明系日本野，摆相精美到你会唔想食是基本吧，尤其将唔同嘅单品放堆一齐，显到更吸引更精美。相机食完一轮之后，我地就唔客气开餐喇。厚切嘅三文鱼，加上恰到好处嘅火炙，表面焦香而入面保留鱼生嘅质感，结果就好似食棉花糖咁入口即溶，成口只剩低三文鱼嘅鲜味同油脂香。池鱼切条，同埋姜葱包成绣花球形，卖相精美之余仲辟到平时食池鱼会食到嗁腥味，睇得又食得，师傅嘅心
识讲「213孖4」嘅人周围都有，但字正腔圆咁讲「いらっしゃいませ」嘅唔多；日本野周围都食到，但想食啲有质素嘅日本料理，就唔系度度都做到。今次得到朋友捐窿捐罅咁带咗我上酒店去食千上，除咗听到纯正日本口音嘅「いらっしゃいませ」之外，仲食到一餐好高质嘅日本野。
入座之后，店员就递上热菜。店员同我地讲由于间铺都仲系新开张冇耐，所以餐牌、餐具摆设都好基本，同食物嘅价位唔太相衬，打算连餐牌餐具都用相机吞落肚嘅话可能会有啲失望。不过对大食7嘅我地黎讲，食物嘅质素就更重要。「给我食物，其余免谈！」
（左）左口鱼、火炙带子寿司，刺身，蟹羔玉子
（右）鲷鱼、火炙三文鱼寿司，池鱼刺身，温室蕃茄海葡萄沙律
等到一阵，侍应终于递上食物。话明系日本野，摆相精美到你会唔想食是基本吧，尤其将唔同嘅单品放堆一齐，显到更吸引更精美。相机食完一轮之后，我地就唔客气开餐喇。厚切嘅三文鱼，加上恰到好处嘅火炙，表面焦香而入面保留鱼生嘅质感，结果就好似食棉花糖咁入口即溶，成口只剩低三文鱼嘅鲜味同油脂香。池鱼切条，同埋姜葱包成绣花球形，卖相精美之余仲辟到平时食池鱼会食到嗁腥味，睇得又食得，师傅嘅心思值得一赞。
（上，左至右）烟肉年糕串，安格斯牛柳粒，天妇罗，烧蚝
（下，左至右）肥牛大葱卷，明太子鸡肉串，烤羊架，吉烈野蚝
黎完一堆「生冷野」之后，侍应就上埋热盘。日式串烧有一种好奇怪嘅魔力，明明款式来来去去都系个几款，啲材料讲唔上有几矜贵，但总会令你一食就上瘾，欲罢不能。强烈推介左上嘅烟肉年糕串，有齐「拉丝」、「流心」、「极邪恶」三大X假期元素，一食就上瘾，减肥者要极度小心。肥牛大葱卷又系另一种会上瘾美食，肥牛嘅脂肪配合日本大葱嘅爽甜简直天衣无缝，配合杯Asahi就Perfect喇！估唔到我全晚最想encore嘅就系呢两款串烧。
铁板牛柳粒、泡菜豚肉锅
食完刺身寿司串烧炉端烧之后，侍应就送上啲相对饱肚嘅一品料理，包括肉食兽嘅我最爱嘅铁板牛柳粒同埋少数有蔬菜（！）嘅泡菜豚肉锅。全晚相对失望嘅系，铁板牛柳粒上嘅蒜片唔够脆，满足唔到我呢啲将炸蒜片当炸薯片咁食嘅蒜魔。
椰子味雪糕
食完之后店员就问埋我地想食咩雪糕，呢一晚分别有姜味同椰子味可以拣。椰子味雪糕偏椰奶味，但同时又有少许椰青水嘅清香，加上椰子肉粒，令到呢球雪糕甜而不腻。
食完个雪糕，我同个朋友就心满意足咁埋单走。店员随即再用标准口音嘅日文道别我地。由店员嘅标准发音，以及食物嘅质素，见到呢间店对细节都系有要求，希望店铺日后愈做愈旺嘅时候，仍然保持到呢一份细心。
张贴
