星海薈﹒譽宴

营业中

休息中

一返到香港即刻去沙田万怡酒店嘅星海•星海荟饮返啖茶，食个靓晚餐。餐厅好近新城市广场，带小朋友行完街玩埋Dino park就食晚饭，好方便。餐厅环境好大好舒适，非常适合饮茶、聚会同搞婚宴。招牌白胡椒蟹🦀招牌菜‼️蟹劲大只又肉味鲜甜，配埋浓郁既白胡椒味，果然名不虚传，非常惹味！用铁板上既蟹仲撒上炸左既九层塔，香气扑鼻😆 个白胡椒酱汁就真系送饭一流。1️⃣9️⃣8️⃣特惠孖宝依家仲有个劲抵套餐💲198已经有乳鸽同清蒸龙趸。条鱼一啲都唔细条，火喉岩岩好，啲肉劲滑。净系小小鼓油调味就带出鱼既鲜味。一上枱两个小朋友已经争住食，唔够十分钟清哂成条鱼同饭😝