圃公館 (已結業)

呢间位于喺湾仔帝盛酒店入面嘅中菜馆，望落门面光鲜，好似好高级咁。入到去反而似返啲普通嘅中式酒家，装修比较旧，暗暗地。我哋六点左右就到咗，所以唔算好多人，但之后客人都慢慢开始多， 万事大概都有六、七成满。中菜馆入面环境清静，可以悠悠闲享受晚餐晚市供应小菜或火锅，我哋两个就拣选咗火锅火锅有唔同酱油配料拣，都算多。呢度既火锅好特别，可以拣选一人一锅。我哋想食唔同口味，所以叫咗每人一锅。分别叫咗酸菜猪骨汤同埋冬阴功汤等咗一阵个锅就已经上啦!冬阴公汤有啲惊喜， 细细锅用料充足有虾、青口，仲有菇。味道真系同出面泰式餐厅嘅冬阴功汤冇乜分别可以就咁饮。58蚊真系好抵! 酸菜猪骨锅就比较普通， 有酸菜味但汤底比较淡，唔算称得上好特别。两个人嗌咗几样嘢，食物卖相都几好。尤其是系牛颈脊手切牛颈脊(例牌)-以为好少，原来啲肉夹住咁摆，份量都好多！手切牛颈脊有牛，肥瘦分明， 食得出靓牛凤城水饺(半打)-大大只，入面啲虾都几新鲜炸鱼角都唔错，爽口弹牙淮山份量够多，爽口反而墨鱼丸就一般， 唔系好食𠮶只墨鱼丸。酒楼打边炉嘅质素都唔错，但系价钱就偏贵。