千上日本料理 (已結業)

虽然香港有数唔清咁多间既日式餐厅，但今次同朋友订既餐厅，无论系其内部日本风既装潢，定系食物既水准都令人好惊喜! . 从尖沙咀A2 出口行大约5分钟就可以到达餐厅门口，一踏入门就好似置身日本一样，边上楼梯边欣赏两侧挂著日本幅画。一坐低，身穿和服既职员为我地点菜，前菜方面，我地点左蟹籽沙律和枝豆。好快职员就上菜。枝豆一盘份量十足，因为烘过既关系，入口微温，而且粒粒软熟香甜。大华沙律系赠送既~呢间餐厅特别出名涮涮锅，所以我地决定试下和牛寿喜烧锅汤底清甜，材料十分丰富。牛肉新鲜易咬，金针茹，娃娃菜，豆腐入味，吸哂牛肉汤底既甜味。如果钟意日本火锅既朋友就一定要试下呢到既涮涮锅啦。.除左牛肉涮涮锅，仲有个日式汁炒饭同干身港式炒饭唔同，呢个炒饭软身好夹炒蛋金针茹爽口既口感，十分易入口。.铁板蒜片牛柳粒牛肉唔老唔生，岩岩好系七成熟，只用蒜片提味，所以食到既牛肉原味十分突出。一口牛既大小亦十分方便食用。