鐵飯碗

营业中

休息中

上星期中秋前夕同屋企人去咗灣仔皇悅酒店新開嘅鐵飯碗食飯，裝修以藍色為主，典雅之餘亦有南洋風。另外店員嘅服務態度相當好，有酒店級水準。 頭盤皮蛋五香炸肉卷五香肉卷鹹香惹味，外層嘅豆皮炸得香脆，唔錯。皮蛋呈流心狀態，相當出色。 娘惹海鮮小金杯小金杯係星馬菜其中一個特色小食。小金杯入面裝著海鮮同蔬菜粒，層次豐富。 蜜汁黑豚肉叉燒黑豚肉叉燒半肥瘦，有少少燶邊，焦香十足。♪(´ε｀ ) 主菜馬來甘香醬燒大頭生蝦大頭蝦原隻開邊上，蝦肉大隻，爽口彈牙，配上馬來甘香醬更惹味，香辣開胃。 炭烤黑毛豬肋骨差唔夠有我半隻手臂咁長，三至四人一定夠食。黑毛豬肋骨經過炭燒有陣陣香味。豬肋骨算多肉，骨同肉之間好易分離。另外有六杯西檸汁幫助解膩，好貼心。(⁎⁍̴̛ᴗ⁍̴̛⁎) 櫻花蝦啫啫雙花食到咁上下就食下菜，叫咗櫻花蝦啫啫雙花，姐係炒椰菜花同西蘭花，兩者都好爽脆入味。 星洲海鮮炒米星洲炒米係跟馬來西亞嘅正宗煮法，同香港用咖哩嘅調味唔同。正宗煮法係用番茄醬同辣椒醬，炒得好夠鑊氣，好食。 甜品金銀芋摩摩喳喳甜品係金銀芋摩摩喳喳，有好多芋頭同番薯，好香椰奶味，大滿足。