壹壹漁一 (已結業)

朋友带咗我去旺角帝盛酒店呢间餐厅，第一次系酒店任饮任食打边炉😆我哋拣咗澳洲M6和牛套餐，汤底拣左花胶鸡汤汤底，唔止闻到好香既花胶味，入面仲真系有花胶！一坐低侍应就送上一碟海鲜，有蚬有虾，可以加强汤底嘅鲜味。个套餐重头戏当然系澳洲M6和牛，睇到牛肉d色都知质素有返咁上下，雪花均匀，食落唔鞋唔靭，厚薄均一，好腍身，肉味浓，可以任食真系好抵，至于套餐另一款牛舌心就比较爽口，各有各好。除咗牛肉之外，仲可以任食丹麦猪肉，猪肉嘅质素唔会输蚀得过牛肉，切到好薄身，又唔会有太多肥膏，入口软绵。除咗肉类，丸类蔬菜类都系自己出去拎，有几款丸几特别，好似芹菜贡丸、椒麻贡丸。去到尾声就一定要食雪糕啦，呢度雪糕好正呀，全部都系哈根大师！最钟意食柠檬sorbet同夏威夷果仁味，食多几杯都会晒本！