江南庭敘 (已結業)

今日去完EMAX行街后，去一间朋友介绍我高级嘅打边炉。一入到高银金融大厦，即闻到好香嘅精油味好舒服好relax。环境非常之华丽, 似酒店格局!汤底方面, 就要个鸳鸯汤底, 可试唔同嘅口味, 芫茜汤够清甜, 可以食到食物嘅鲜味道 , 沙嗲汤底非常之惹味, 各有特色虾滑系我至爱, 爽口弹牙充满虾味，内里见到真正虾肉，最重要有干瑶柱，好高级呀。净食不点酱汁也好味。四宝丸方面, 墨鱼丸好爽好弹，用真墨鱼制成，真材实料不欺场。虾丸都系好弹口，比起虾滑，虾滑再弹d,但当然少左高级的干瑶柱、主要集中于虾味上。打边炉唔食肥牛就唔系打边炉, 肥牛灼一灼就食得, 牛味浓, 肉够滑, 好食!