影片
更多
2015-02-22
2075 浏览
今日约定好同月同日生的好纸美一齐庆祝生日~我负起买蛋糕的重责,心中己有心水~但都周围睇睇~路经此地~顺便入去望望~一眼见到心中最爱 -> 法国歌剧院蛋糕 !!劲兴奋!紧系唔会放过~但为求无憾~我都压制住高兴的心情, 再行埋隔离的饼店先决定,服务员哥哥好语重心长咁话呢款蛋糕今日只出一个~示意啱的话就要早少少决定~最后我都系决定行多个圈先!行左一个圈~仍系决定买呢个~返到柜面服务员哥哥己转左做姐姐,我就问服务员姐姐讲可唔可以喺蛋糕面用白朱古力写祝福字句,我觉得咁写会好型好靓...服务员姐姐话可加一个朱古力牌写少少字,加个牌要廿蚊~喺呢D开心日子~当然唔会计较~所以我就执起笔唻,写下想写的祝福语~写左次一次~服务员姐姐话太长,唔可以咁多~话最多加10个字左右,我即时滴晒汗,觉得10个字真系太少了~只系写到两个名同一句生日快乐都冇左啦~之后微调左少少,服务员姐姐仲系话唔得~之后再删减, 服务员姐姐好勉强咁话试下,话要拎个蛋糕上去饼房揾师夫写,叫我地喺对面的梳化坐廿分钟~我心谂...好在有张梳化...如果唔系都唔知点等~~时间到~终于见到个蛋糕连生日牌~真系眼都大埋~~这就系等足廿分钟的
我负起买蛋糕的重责,心中己有心水~但都周围睇睇~
路经此地~顺便入去望望~一眼见到心中最爱 -> 法国歌剧院蛋糕 !!劲兴奋!紧系唔会放过~
但为求无憾~我都压制住高兴的心情, 再行埋隔离的饼店先决定,
服务员哥哥好语重心长咁话呢款蛋糕今日只出一个~示意啱的话就要早少少决定~
最后我都系决定行多个圈先!
行左一个圈~仍系决定买呢个~返到柜面服务员哥哥己转左做姐姐,
我就问服务员姐姐讲可唔可以喺蛋糕面用白朱古力写祝福字句,我觉得咁写会好型好靓...
服务员姐姐话可加一个朱古力牌写少少字,加个牌要廿蚊~喺呢D开心日子~当然唔会计较~所以我就执起笔唻,写下想写的祝福语~
写左次一次~服务员姐姐话太长,唔可以咁多~话最多加10个字左右,我即时滴晒汗,觉得10个字真系太少了~只系写到两个名同一句生日快乐都冇左啦~
之后微调左少少,服务员姐姐仲系话唔得~之后再删减, 服务员姐姐好勉强咁话试下,
话要拎个蛋糕上去饼房揾师夫写,叫我地喺对面的梳化坐廿分钟~
我心谂...好在有张梳化...如果唔系都唔知点等~~
时间到~终于见到个蛋糕连生日牌~真系眼都大埋~~这就系等足廿分钟的酒店出品???!!!!
我个人认为呢个出品完全冇诚意~母牛咁大个的牌~写篇论文都得LA~而家喺咁E了左几个字~比我自己写仲要差,而且仲要摭住左一大半个蛋糕...搞到一D美感都冇~ ~!好明显无论系服务员姐姐同写字的饼房师夫,一D都冇企喺客人的角度去做服务!!
既然如此.时间又冇多.我唯有收货.仲要掩饰自己的失望向纸美表现兴奋!
勉得破坏开心的生日饭~
饭后打开蛋糕!!满心期待7层肥死超浓朱古力的歌剧院蛋糕~点知得5层咁少
食歌剧院蛋糕最好就系一叉由头到尾,可以一次过食晒咁多层的质感..
一切开~最外层的朱古力浆真系令人又爱又恨~香浓之余入口会贴著你的脷~要用点力先可以慢慢溶化~
可惜其他几层的层次唔系好突出,食落只系感受到两层质地一样的朱古力海棉蛋糕,
用一层冇咩咖啡味的普通海棉蛋糕隔住,到最底一层比较结实的的朱古力软糕...
幸好各层的朱古力香得黎唔会太甜令人觉得''那喉'',至少可以令我有追食的冲动!!!
嗯~可能我自我觉得酒店出品的话,无论系心思定系服务都会有比较好的水准..
而家发现可能系我想多了~
总括黎讲..算系见识过佢的出品~可见的未来相信唔会再见,真心希望佢地他日可以有所进步
张贴
