千賀水產の鮮鍋道場 (已結業)

系铜锣湾要揾一间可以任食价钱相宜既火锅选择唔多，如果火锅包埋海鲜既又真系好少，但居然咁难揾都比我揾，所以今次试新野，千贺水产鲜锅道场，系正Times Square后既假日酒店内，非常方便。平日晚市BUFFET＄268 餐牌上写明可以食足六个钟，直头可以食埋宵食。抵一坐低先拣汤底，哗⋯⋯中、日、韩十几款可以拣，清既可以拣温野菜蕃茄锅、昆布干贝清汤、野菌清汤⋯⋯辣汤有血池地狱麻辣汤、胡椒猪肚汤，我就比个波士顿龙虾锅吸引住。拣好汤底无几耐就送上放题已包既海鲜盘，内有大虾、蚬，鲍鱼，象拔蚌⋯⋯，仲有一碟柚皮鲍鱼、极上安格斯牛小排、韩式珍宝饺子同酱爆手打姜汁贡丸，份量因应人数计算，如果唔够都可以添加。另外再有一盘鱼生，有虾，带子⋯⋯以作前菜，非常丰富出去BUFFET BAR睇下有咩食先，有火锅配料，多款新鲜蔬菜、丸、面⋯⋯仲有熟食、寿司、炸物、沙律⋯⋯，单系饮品都几多选拣，甜品仲有一柜雪糕、雪条同雪米糍任食。可能我地得两个人啦，当我地食完预设鱼生、海鲜盘已饱咗六成，个龙虾锅内有只分开两边既中型龙虾，都好多肉同好多膏，而个汤底亦好鲜味。整体黎讲加埋一$340 都算唔错。