星海薈﹒譽宴

营业中

休息中

阿妈话街市唔系成日有大只嘅蟹，但又好想食.....朋友推介嚟呢间酒店里面嘅食肆，果然大只兼抵食。招牌白胡椒蟹，阿妈目测大概斤半重，蟹肉又厚又多，只蟹钳大都呢！仲话话呢个份量嘅系如果街市有得卖都要二百几$300 ，而且唔系时时有，都未计煮嘅心机同水电煤。而家$468唔使自己煮唔使自己洗，！话时话，铁板上枱，侍应再喺蟹面淋上胡椒汁，即时椒香扑鼻，闻一闻真系格外醒神呀！胡椒香同辣逼入蟹肉，微辣的香气更加突显蟹肉嘅鲜甜，个种味觉冲击好正！胡椒平衡左蟹嘅寒性，呢个配搭几好㖞！清蒸虎杉班足足有一斤重，我同阿妈两个食就啱啱好，条鱼蒸到啱啱好，条鱼仲摆得非常生猛。豉油都沾到鱼鲜，未食望下鱼眼就知新鲜。甜甜蜜蜜嘅拔丝菠萝咕噜肉都系朋友推介，拔丝嘅做法令咕噜更脆。外脆内软有焦糖香味，新鲜多汁嘅菠萝同咕噜肉，一浓一淡，绝对唔会咁易食滞。我好钟意食金银蛋浸菠菜，呢度又煮得几好。欣赏呢间食肆用嘅都新鲜靓料，上汤浸住靓皮蛋咸蛋同菠菜，索哂味，汤头都好饮。呢间的确系同系列较高质嘅分店，无论服务、食物、整洁度都比其他分店更好。金属感同几何线条配合、优雅华丽水晶灯、沿路走来嘅酒店范围，系有鼓尊贵气派。