鐵飯碗

营业中

休息中

今晚想带妈咪食餐好嘅，所以同咗佢去湾仔皇悦酒店入边，拣咗一间中菜厅铁饭碗，食物质素相当唔错㖞！首先，我哋叫咗两盅汤，一盅系花胶炖鸡汤非常鲜甜清味，妈咪好钟意，另外叫咗一个白胡椒猪肚汤，颜色望落去非常入味，饮落好重胡椒味非常暖胃👍🏻👍🏻跟住我哋叫咗半份炭烤黑毛猪肋骨，呢个真系冇得顶，猪肋骨烤得非常惹味，再配上酸酸甜甜的酱汁，令到猪肋骨嘅层次升华！跟住我哋点咗一个金不换洋葱牛肉，牛肉炒得适中，不韧又味道好，配上洋葱冇得顶！跟住我哋叫咗一个姜汁炒芥兰，芥兰炒得非常清甜，配上姜汁感觉清新又健康❤️最后点咗一个鲍鱼鸡肉粒烩饭，又有鲍鱼，又有鸡肉，将成个饭嘅鲜味提升，真系好开胃❤️👍🏻