家．啡 (已結業)

我哋一行四人Book好位，但因为𠮶日泊车问题迟咗10分钟。未坐低个哥哥已经话「你哋都系要三点走㗎㖞！ 」，我哋都系谂住坐半个钟，冇谂过要去坐足你一个钟，态度劲差，好似去咗茶餐厅咁。我朋友谂住先叫一件蛋糕，然后再睇吓饮乜。个哥哥即刻指住个餐牌话「每人都要嗌一杯嘢饮㗎㖞，写住㗎！」。你杯杯野都70 80蚊，比少小时间睇下先都得挂，叫迟一阵唔使西面吖！好似犯法咁！隔离group人嚟多咗一个人，明明室内有位，都唔俾人坐，要人坐出面。30几度呀，军训咩！埋单一个人大约$150 ，加多几十蚊已经可以去到半岛hightea，重点系全程感觉十分差，坐得好唔舒服。食物饮品质素极度普通，服务态度差。装修特别咩？周围都有。要大自然，买杯咖啡上山饮都无咁嬲！特别嘅Cafe多的是，无需要为咗打个卡，影张相，去呢度，仲要比蚊咬到七彩！支持小店，但唔会支持，一间质素差但自己搞到以为自己好罕有嘅小店。