金鷺湖

营业中

休息中

曾经睇过YouTube 有人介绍呢间金鹭湖，呢度环境舒适，地方大，枱与枱之间有足够空间，职员个个都很有礼貌，主动执枱。餐牌上只有十八款点心，另外都有炒粉面。价钱方面唔算经济，但系食物质素方面达到酒店级水准，绝对物有所值。当日叫咗八款点心，有玫瑰金虾饺$78 （三件）、流心鹌鹑蛋烧卖（三件）$78、竹炭叉烧餐包（三件）$62、脆脆鲜虾红米肠$78 、咸水角啤梨仔（三件）$58 、田园萝卜丝酥（三件）$78、酸菜鳕鱼春卷$78 、双色马拉糕$58 。 鹌鹑蛋烧卖几特别，要咬开先见到鹌鹑蛋，仲要系有流心效果。酸菜鳕鱼春卷都比较罕见，几好味。基本上所有点心都好有水准，卖相吸引。想体验下值唔值得过嚟食，就要预先在网上订位。