Casa Luca (已結業)

好耐无过嚟九展，今日嚟呢头做嘢，发觉原来呢度二楼多咗条食街，仲超多选择，最后选择呢间嘅原因系呢度嘅嘢食望落健康啲又大件啲！仲要有一大堆我最爱嘅三文治任拣！玩法系厨窗前选择沙律，Second dish，主菜或潜艇堡，再加嘢饮俾钱，有啲似大学Canteen，但用料睇落就似酒店自助餐水准！其实呢度有三种餐适合唔同人士，细食嘅女士到大食嘅男士都可以满足到。三文治都有唔到包类，其中一种比较特别嘅墨汁包配上吞拿鱼，其余仲有三文鱼同鸡肉，啲料都系多到满泻。同埋地方都几阔落，几适合附近写字楼同事们一齐放Lunch食。