MoMo Café

营业中

休息中

有日平日唔使咁早返工，朋友book咗酒店自助餐话同我试，谂住港岛区酒店无得输，结果输晒了。首先食物选择方面真系唔多，一心谂住食下刺身呀海鲜等，结果选择得小虾同少量甲壳类，虾都有点放太耐嘅感觉。面包类真系令人失望，旧旧都系硬到一旧石咁，好似冬甩咁，我觉得自己只系食咗一坨面粉落肚。pancake机仲正，整出来嘅pancake同毛巾无分别，老麦都有蛋味过佢，其他酒店起码有个厨师即刻整，佢咁样真系太求其。沙律系正常嘅，因为连菜都出事就真系嘥药费。点心咁多笼以为好多选择终于都食得，点知道原来得三两款，而且卖相完全唔吸引，pass.最多人食就系呢个火腿，相比之下系唔错嘅。成个buffet唯一我会encore嘅就系呢个迷你墨西哥卷，总算系清新有口感　，最快被扫清光。甜品都系伏，蛋糕散晒又出水，真系大大大失望，我宁愿食快餐。