鋿晶館

营业中

休息中

今日放工突然好想食点心。上#openrice 揾到呢间#鋿晶馆 。记得之前系#上环 行#永安百货 附近见过佢。不过今日我就去间近我嘅#荃湾 分店食食佢。上网见佢话系日本嘅高级餐厅做左好多年，之后番香港就做米芝莲酒店嘅主管。所以到啲点心都有番啲期待。想知啲点心整得好唔好，就一定要试下肠粉同虾饺。💋#虾饺作为一个老母好钟意饮茶嘅女儿，我都会成日去下唔同酒店饮茶。佢依间嘅虾饺，真系有酒店嘅质素。先讲个皮，薄而唔烂，仍然好有texture. 虾有两三只爽口大虾系入面。所以你见到个size 真系好大只。高质！💋#脆萝卜肠粉依个萝卜肠粉我第一次见。佢就好似肠粉皮包住加左少少辣味嘅萝卜丝酥，外脆内软。肠粉皮亦到做得好岀色，唔软烂。💋黑松露北菇#烧卖皇最怕烧卖入面包左劲多肥膏。但依个烧卖食落一啲都唔油腻。入面嘅肉打到好绵滑，北菇好香，加上黑松露，成个口都系菇味。💋鲜虾菜苗饺饺入面嘅菜苗仲系好新鲜。一定系即叫即包先会有依种菜味。如果系提早整定嘅雪藏货，啲菜会变到好淋。由此睇得岀佢嘅点心系自家制。总括嚟讲，性价比好高。下次想食点心，我会再嚟依家帮衬。同类型#点心店 ，我觉得完胜#添好运 。