混亂 STEAK (已結業)

喺佐敦呢一间酒店入面有一个平民式嘅美食广场，。喺宜家疫症期间，佢喺门口有专人帮你量体温，所以入去嘅人食得都好安心。入到去我就拣咗呢一间食牛扒嘅舖头试一试， 佢有三款牛畀你拣，我就拣咗佢嘅混乱牛扒嚟试下。 佢呢度系以牛扒重量黎计，即场喺你面前切一块落嚟磅，冇花冇假明码实价。另外，我仲加多咗18蚊可以拣三样嘢做一个餐，包括有：牛肉汤 、汽水同埋饭。🍖混乱牛扒 75蚊望落去几大块亦都好厚身，而且佢唔会煮得太老，砌到去嘅时候都feel到有啲肉汁标出嚟。 不过食落去嘅咬口就比较韧小小。 不过配埋佢嘅汁同埋啲蒜蓉配埋个饭食都几好食。 要求唔算高嘅话都可以嚟试一下。不过最估唔到佢嘅牛肉汤好好味，汤入面有啲炖到好淋嘅牛肉，食落口好似唔使咬咁好软绵绵。整体嚟讲呢个价钱算系平价牛扒啦，轻松松食一餐都ok嘅。