影片
更多
2018-02-04
223 浏览
有内地朋友黎左香港住喺尖沙咀粤海酒店，因为佢第二朝早机走，所以都唔想去太远食晚饭，佢就提议近近地去酒店入面既日本餐厅食。我本来谂住酒店食野一定好贵，去到门口睇左个menu发现价钱又唔算好贵㖞！同平时一d中价日本餐厅咁上下，就试下啦！一开始就要左个鳕鱼干做小食，本来以为系淋淋地个种，点知系超级脆！好似薯片咁，而且有淡淡鱼香，唔会好腥。之后要左个新品火炙烧和牛沙律，和牛油份偏多，但配合麻酱食就冇咁漏，仲入口即溶。食日本野点可以冇刺身，今次要左三款，包括油甘鱼，活北寄贝，比较少见既岛池鱼。全部都好新鲜，一点腥味都冇，而自己最钟意系系活北寄贝，十分爽口，d边位都唔会硬，好鲜甜！到又系唔可以唔食既寿司，要左碟大虾天妇罗反卷，饭面有d天妇罗碎，增加口感。到热食了，先黎天妇罗，有茄子，蕃薯，秋葵，金菇，同一粒巨型冬菇。呢个天妇罗系我食过最好食既头三位，天妇罗外层好薄，一d多余的油分都冇。再黎两款串烧，有爽口的鸡肾。同豚肉芦笋卷，薄薄的猪肉卷住翠绿的芦笋。再要左个烧羊架，羊味比较重，如果怕膻既人可能未必接受到，但我自己就好中意，加少少柠檬汁同芥末食岩岩好。虽然已经好饱，但朋友见到有馒鱼饭忍唔住叫左，呢
我本来谂住酒店食野一定好贵，去到门口睇左个menu发现价钱又唔算好贵㖞！同平时一d中价日本餐厅咁上下，就试下啦！
一开始就要左个鳕鱼干做小食，本来以为系淋淋地个种，点知系超级脆！好似薯片咁，而且有淡淡鱼香，唔会好腥。
之后要左个新品火炙烧和牛沙律，和牛油份偏多，但配合麻酱食就冇咁漏，仲入口即溶。
食日本野点可以冇刺身，今次要左三款，包括油甘鱼，活北寄贝，比较少见既岛池鱼。全部都好新鲜，一点腥味都冇，而自己最钟意系系活北寄贝，十分爽口，d边位都唔会硬，好鲜甜！
到又系唔可以唔食既寿司，要左碟大虾天妇罗反卷，饭面有d天妇罗碎，增加口感。
到热食了，先黎天妇罗，有茄子，蕃薯，秋葵，金菇，同一粒巨型冬菇。呢个天妇罗系我食过最好食既头三位，天妇罗外层好薄，一d多余的油分都冇。
再黎两款串烧，有爽口的鸡肾。
同豚肉芦笋卷，薄薄的猪肉卷住翠绿的芦笋。
再要左个烧羊架，羊味比较重，如果怕膻既人可能未必接受到，但我自己就好中意，加少少柠檬汁同芥末食岩岩好。
虽然已经好饱，但朋友见到有馒鱼饭忍唔住叫左，呢度既朴叶馒鱼饭原个木盒上，热辣辣，岩哂最近咁冻既天气。而且馒鱼非常厚肉肥美，真系好饱肚！
最后店员问我地有冇兴趣试吓手工鲜制雪糕，朋友要咗豆腐味，自己要咗呢杯香蕉味，2杯都好浓郁，而且好creamy好软滑，同平时出面食到嘅雪糕真系好唔同，值得一试！
估唔到酒店入面都有一间食物质素咁高但价钱非常合理既日本餐厅，而且呢度嘅环境好适合倾计。店员服务态度十分之好，天气咁冻不断帮我地添热茶，传菜速度都好快，下次有朋友生日都会考虑再嚟！
张贴
