辣蟹莊 (已結業)

一班朋友聚旧，黎左辣蟹庄食饭，地方都算大同位置都几多，唔洗等位就有得食。叫左白灼虾、蟹粥、金沙骨、椒盐鲜鱿同埋蒜蓉蒸圣子等等既菜式。逐个讲下味道，白灼虾好大只好鲜甜，如果2-6人就可以选择88一碟白灼虾，分量都几多几抵食。蟹粥既粥底几绵，蟹唔算好多肉，无咩膏，一锅都足够分六细碗黎食。金沙骨就好香脆，唔硬好易咬开，推荐可以试下。椒盐鲜鱿炸粉唔算好厚，鱿鱼都几爽脆。蒜蓉蒸圣子就略嫌蒸得太硬同埋唔够入味。上菜都要等一段时间先有得食，见d职员都好忙下，所以如果好急要食饭就未必好适合。整体黎讲都还可以，一班人食比较适合。另外餐厅仲有得食打边炉，不过今次就无食，食左小菜，大家有机会都可以试埋打边炉。