新光宴會廳

营业中

休息中

嚟咗富豪花园呢边，呢度其实无咩食店，如果唔计埋佢保龄球场或者攀石场入面有少少嘢食，就得新光酒楼叫做有嘢食。个商场本身都无咩人，入到酒楼人流都好少，一入就有位坐，唔使等。正常酒楼样，有点岁月痕迹。我哋人少得两个，叫咗5个点心。一个叉烧包，一个灌汤饺，一个XO酱炒肠粉，一个枝竹牛肉球，一个粟米南瓜粥。牛肉球几好，都几多汁。叉烧包正常，记忆中佢有款假日先有嘅雪山叉烧包正d。XO酱炒肠粉，味几好，但肠粉林咗d。粥味道好，多料，亦都大碗。系个汤饺唔系好啱口味，d料有d hea。大部份都系中点，落楼连茶位大约160，酒楼嚟讲ok la。